التغيير الوزاري..حكومة محاسيب الأعمال مرة أخرى

 

Screen Shot 2016-03-23 at 3.52.59 PM

كتب وائل جمال

(١) المجلس الاعلى لحكام القوت يوسع نفوذه
التغيير الوزاري بيثير مرة تانية سؤل مين بيحكم مصر وازاي بيحكمها. عودة ممثلي البزنس (بالذات القطاع المالي) لتولي الحقائب الوزارية تطور مهم مش بس كمي. هم طبعا كانوا موجودين من قبل التعديل في وزارة التجارة والصناعة (ابراج كابيتال) ووزير الاستثمار السابق وغيرهم لكن وزارة زي المالية دي قدس اقداس حليف تاني في الحكم هو البيروقراطية عمره حتى في أقوى أوقات نظيف وتمكن مجموعة جمال (المجلس الأعلى لحكام القوت) بالاختراق دا.، هو تطور تاريخي غير مسبوق وله دلالته. يوسف بطرس غالي لف في الحكومة كتير قبل ما يدخل وماكانش جاي من خلفية شركات. انك تفتح شرايين الحكومة من خلال المالية لواحد جاي من كل بنوك الاستثمار والقطاع المالي اللي دورت فلوس جمال واشتغلت في الخصخصة عشان يدير السياسة المالية تطور جبار ومؤشر على حجم نفوذ مجموعة ال ٣٢ اللي البنك الدولي اشار ليهم في دراسة صدرت رسميا من شهورhttp://documents.worldbank.org/…/pyramid-capitalism-politic…. المجلس الأعلى لحكام القوت (هو فضل شريك في الحكم طول السنين اللي فاتت بمجلس عسكريها بمرسيها بسيسيها https://khoyout.wordpress.com/…/%D8%A7%D9%84%D9%85%D8%AC%D…/) بيكشف عن نفوذه وقوته ومكانته في الحكم وداخل بموظفينه وشركاه (القلعة وابراج والسي اي بي واوراسكوم وسيتي بانك وغيرها) يمسك السياسة الاقتصادية. وطبعا تزامن دا مع عودة ودارة قطاع الاعمال العام بيدشن موجة من أعمق الإجراءات النيوليبرالية المعادية للعدالة الاجتماعية وللكفاءة الاقتصادية…أعمق وأقسى وأعنف من أي حاجة شفناها.

(٢) حدثني عن تعارض المصالح
اول ماجه رجال الاعمال حكومة نظيف سمعنا برضه حكاية انهم ناس شبعانة ومش هتسرق زي موظفين الحكومة اللي بييجوا وزرا. طبعا مش دا اللي حصل، وجزء مهم جدا من النقد اللي اتقدم لحكومة نظيف بخصوص الفساد جه على فكرة من اليمين. أنا سمعت محمود محيي الدين بنفسه بيسخر من “بواخر جرانة التي تمخر عباب النهر”. فكرة ان واحد كان امبارح رجل اعمال بيدير شركة او موظف كبير فيها وتاني يوم يمسك مسؤولية الوزارة المؤولة عن مراقبة نشاط شركته وبعد ما يخرج م الوزارة يرجع الشركة او يتوظف في القطاع الخاص باب فساد عظيم وشيك وبيتكلم لغات بتسميه منظمة الشفافية الدولية “الباب الدوار”. وعلى فكرة عندنا قانون المفروض بينظم الحكاية ديhttp://www.sohag.gov.eg/…/%D9%82%D8%A7%D9%86%D9%88%D9%86%20…
والناس دي المفروض تعلن محافظها وتبيعها قبل تولي الحقائب الوزارية (لم يحدث ابدا) ، والمفروض انها لا تعمل في القطاع الخاص قبل مرور ٣ شهور على ترك الوطيفة. بل المفروض انها لا تعمل في مكان تستفيد فيه ابدا من معلوماتها في الموقع الحكومي. (فكر في محافظ المركزي اللي استقال وراح اشتغل في سي اي بي، معلوماته عن المنافسين شكلها ايه وعن السياسة الحكومية وعلاقاته شكلها ايه؟). هذا هو الفساد الكبير ولا يتعلق فقط بالفلوس والمصالح المباشرة، يتعلق كمان بالسيطرة السياسية على توجه السياسة وخصخصة المصالح اللي بتتوجه لها السياسة العامة.

(٣) أسطورة كفاءة موظف شركة كموظف عام
اول رد فعل على انتقاد عودة موظفي الشركات لإدارة السياسة الاقتصادية لبلد بعد ثورة هو مش احسن ما يجيبوا بتوع القطاع العام يخربوها؟ دي ناس ناجحة في شغلها واكيد هتنجح. القصة دي كأنك بتجيب دكتور أطفال “ناجح” يعمل جراحة في المخ. ماهو دكتور وناجح. المسؤولية مثلا عن السياسة المالية يعني أولويات الإنفاق العام والسياسات العامة اللي من ضمنها الخدمات والصحة والتعليم والضرايب وغيرها. ازاي يبقى خبير تقييم بتاع بنك استثمار عنده الخبرة ولا المعرفة للتعامل مع حاجة زي كدة؟ بول كروجمان (نوبل في الاقتصاد ومش يساري والعياذ بالله ولا بيحب القطاع العام كاتب دراسة لطيفة عن ازاي فنيا ادارة اقتصاد بلد مختلف عن ادارة شركة للي عايز يبص عليها https://khoyout.wordpress.com/…/%D8%A7%D9%84%D8%A8%D9%84%D…/ )
في الدنيا أغلب الموظفين العموميين سياسيين أو تكنوقراط بالمعني المباشر: من جهاز الحكومة أو الاكاديميا). وموجة الباب الدوار دي مرتبطة مش بالكفاءة خالص وانما باحكام سيطرة جناح معين على الاقتصاد. (في انجلترا لما بلير دخل موظفين الشركات في الحكومة اتعمل كتاب عظيم عن دا اسمه الدولة الأسيرة سيطرة الشركات على بريطانيا http://www.amazon.co.uk/Captive-State-Corporat…/…/0330369431 لصحفي عظيم اسمه جورج مونبيو بيشرح ازاي حصل تدهور في الخدمات العامة والسياسات العامة بعد ما اتخصص القرار لصالح الناس اللي كانت موظفاهم). الناس دي مش كفؤة للأماكن دي ولا المقصود انهم يبقوا أكفاء من وجهة نظر السياسة العامة ولا مصالح الناس.

2 comments

    • كتر خير حضرتك. اللغة مختلفة ربما لأنها تجميع لبوستات فيسبوك🙂. طمنينا على حضرتك عسى ان يكون في الغياب خير..كل الاحترام

شكرا على تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s