سياسات صندوق النقد الدولي وثورة 25 يناير؟

مايو 2011

إيه علاقة سياسات صندوق النقد الدولي بثورة 25 يناير؟

انا في تقديري انه فيه علاقة مباشرة ما بين السياسات اللي اتطبقت في مصر وفي تونس وبدأ تطبيقها في سوريا وبين الانتفاضات الجماهيرية اللي حصلت في التلت دول دول .. خصوصاً انه يعني خاصاً في حالة مصر وتونس كان الدولتين نوذج للنجاح يعني في عرف المؤساسات الدولية كانوا نموذج بناءاً على مؤشرات النمو وتراجع عجز الموازنة وتدفقات الاستسمار الاجنبي لكن المؤشرات اللي من وجهه نظر المؤساسات دي هي اللي بتقول قد ايه في تقدم اقتصادي بيحصل من عدمه وكل المؤشرات دي حصلت نتيجة التحولات الاقتصادية اللي مشابهه جداً في مصر وتونس اللي هي اطلاق يد رجال الاعمال القطاع الخاص في السياسة الاقتصادية انسحاب عنيف للدولة وعمليات خصخصة  اعادة ترتيب خريطة الثروة بشكل هائل نزحت جزء مهم جداً من ثروة المجتمع ومن الاراضي ومن المصانع اللي موجوده فعلاً في ايدين مراقمتها في ايدين قله .. وطبعاً في الحالتين المصرية والتونسية كان في نوع السياسات دي موجوده في حتت تانية كتير في العالم لكن كان في نوع من الفساد كمان في الحالتين دول فساد واضح ليه علاقة بأسرة الرئيس وبالناس اللي حوليه وبالحزب الحاكم سواء في حالة بن علي او في حالة مبارك لكن المنطق الاقتصادي واحد حتى في النماذج الي مكانش فيها فساد المنطق الاقتصادي واحد ومقدرش افصل ابداً ما بين اللي حصل في مصر مثلاً وما بين اللي حصل في اندونسيا انه الناس بتطلع علشان تواجه الدكتاتورية تواجه تقاتل علشان ظروف حياتها ومعيشتها فبتواجه الدكتاتورية فيبقى الخطوة الاساسية ان انا لازم انهي الدكتاتورية علشان اقدر اعمل خطوة في سبيل ان انا اسيطر على شروط حياتي في المستقبل ودي معركه مابختاروهاش اي عمال في مصر كانوا بيعملوا اضراب بيواجهوا الامن المركزي فوراً بدون ما يختاروا هما صحيح انه مثلاً في حاله زي مصر البداية لم تكن زي تونس انتفاضة عاطلين لكن لا يمكن ابداً اغفال انه الخمس سنوات اللي سبقت ثورة 25 يناير كان فيها ارتفاع هائل في معدلات الاحتجاجات الاجتماعية اللي شملت عمال ومهنيين واطباء وصيادله وتجاريين .. إلخ . ودي عملت ترتيب واعداد هائل للحركة الجماهيرية في مصر عشان تمكنها من انها تقوم باللي قامت بيه خاصة انه الشعار الاساسي بتاع اللي هو حرية .. كرامة .. عدالة اجتماعية كان معناه بالنسبه للناس هو النضال على الحد الادنى للاجور على خدمات وتعليم انسانية انهه الناس تتعالج بشكل ممكن من غير ما يبقى ده مهلك اقتصادياً انه الناس يبقى عندها فرص عمل ملائمة .. الخ.

ايه هدف صندوق النقد من تقديم القروض لمصر بعد ثورة ٢٥؟

بالتأكيد الثورة لعبت دور مهم جداً في تحفيز المانحيين ان هما يفكروا في الاقتصاد المصري وبالتأكيد في عنصر سياسي مهم جداً مش بس متعلق بالتزام يعني بدعم الديموقراطية بعض من هم بعض القيادات مجموعة 8 اللي كانوا حاضرين اتكلموا بشكل مباشر عن اهداف سياسية من ورا الموضوع من ورا الحزمة بتاعة المساعدات منها انه فيه ضرورة  لدفع الاقتصاد المصري للاستقرار علشان ماتقعش بلاد تونس ومصر في ايدين الاسلام الراديكالي البعض الاخر ربط المسأله بدفع الديموقراطية والحرية الحزبية وحرية الصحافة .. مايكل فورمان اللي هو مسؤول امني امريكي يعني المهم اتكلم على حرية الاسواق وانه المساعدات دي هدفها دفع القطاع الخاص لهذه الدول وبالتالي حتى لو ماكانش فيه مشروطية بالمعنى المباشر زي ما كان بيحصل قبل كده انه بيتقال كده في مذكرة تفاهم ان الحكومة المصرية ملتزمة بخصخصة بنكين من بنوكها العامة في خلال السنة اللي جاية وكده .. انما فيه في النهاية منطق سياسي ورا المساعدات متعلق بمصالح الدول اللي بتديها وبالنظام اللي بتقوم عليه وماهياش بس يعني مجرد التزام انساني تجاه ناس اسقطوا وواجهوا الدكتاتورية بشجاعه وكلام من ده انما هي كمان بتخدم نوع من المصالح مكانش في حتى يعني الرغبة في اخفاءها .

 

 

 

شكرا على تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s