فيديو: مؤتمر إطلاق الحملة الشعبية لإسقاط ديون مصر

 

 

 

اكتوبر 2011

الحملة الشعبية لاسقاط ديون مصر احنا بنرحب بكل من جاء للمشاركه في اطلاق الحملة واطلاق المفهوم الشعبي في هذه القضية الهامه احنا بنشرف في وجود عدد من الخبراء والمواطنين والثوار اللذين يقطر تاريخ وخبرة وسمعه فوق الشبوهات نالوها بنضال تحت يعني في مواجهة نظام الدكتاتورية اللي احنا عشناها على مدى 30 سنة معانا على المنصة احنا بنشرف في وجود الاستاذ كمال ابو عيطه رئيس اتحاد النقابات المستقلة والمناضل العمالي الهام اللي لعب دور شديد المحورية في الاحداث اللي قادت لثورة 25 يناير عبر وجوده القيادي في اضراب موظفي الضرائب العقارية احنا كمان بنشرف بوجود الاستاذ خالد علي المحامي ومدير مركز الحقوق الاقتصادية وعضو الحملة الشعبية وطبعاً كلنا عارفين انه خالد علي في الظروف الحالية اللي كانت موجوده قبل وبعد انتخابات 2010 كان من ضمن كان من القليلين اللي فتحوا طاقات نور للامل بسلسلة الاحكام اللي شارك في اصدارها عبر القضاة عبر المركز اللذي يترأسه والمتعلقة ببالم هيلز وطلعت مصطفى الخ.. والحد الادنى للاجور احنا كمان معانا الاستاذ احمد النجار الخبير الاقتصادي ومدير الادارة الاقتصادية بمركز الاهرام للدراسات الاستراتيجية والاستاذ احمد النجار مش بس مجرد خبير اقتصادي الاستاذ احمد النجار لعب دور شديد الاهمية على مدى السنوات الماضية في فضح السياسات الاقتصادية الفاسده اللي كانت بتتبع ومنحازة ضد اغلبية المصريين اللي كانت بتتبع في عهد نظام مبارك يعني لعب دور تنويري شديد الخطورة والاهمية وبالتالي ساهم مع كثيرين في صنع الثورة العظيمة اللي احنا شاهدناها في بلادنا . ايضاً معانا ضيف من بلاد تونس العظيمة اللي الهمت المصريين قدرتهم على الثورة والفعل دكتور فتحي الشامخي الدكتور فتحي هو من مؤسسي الحملة التونسية لاسقاط الديون الخارجية في تونس وهو اقتصادي وخبير في جغرافيا التنمية ويعني نتشرف بوجوده جاء من تونس خصيصاً علشان يشارك معانا في هذا الطلاق حملتنا وعشان يشاركنا يعطينا من خبرة العمل اللي تمت في تونس خلال السنوات الماضية لان هما عندهم يعني خبرة اطول منا في هذا المجال انا بس عايز انوه انه اللي محتاج ترجمة anybody will need translation he can go at back thare and but his ID he can get translation.


أنا هتكلم لمدة 5 دقايق انا اسمي وائل جمال انا عضو في الحملة وصحفي اقتصادي هتكلم عن ازاي نشأت الحملة باختصار شديد وعن اهدافها ثم هترك المجال للمتحدثين المشاركين ومساندين الحملة اللي معانا على المنصة الفكرة بدأت بمجموعة على Facebook  اطلقها عدد من المشاركين في الحملة لمواجهة اقتراض مصر من صندوق النقد الدولي لحن الحظ ان الحملة دي او المجموعة اللي تأسست على الـ Facebook توسعت ولحسن الحظ انه سقطت فكرة الاقتراض من صندوق النقد ولو مؤقتاً بعد كده طرحت الفكرة خصوصاً انه فيه مبادرات مش مصرية مبادرات بالدول الدائنة بدأت انها تتحرك علشان تناقش فكرة مراجعة الديون اللي نظام الدكتاتورية في مصر اقترضها على مدى السنين اللي فاتت وده يعني خلانا نفكر في انه اذا كانت في حملات في بريطانيا وفي المانيا وفي دول اخرى بتفكر انها تسقط الديون وتضغط على حكوماتها الدائنة علشان تسقط الديون لان هما شايفين ان الديون دي غير شرعية فمن الواجب انه يبقى عندنا مثل هذه الحملة وانه الحملة دي تبقى حملة شعبية مش حملة رسمية لانه المتضرر من دفع هذه الديون هو المصريين جميعاً وبالاخص فقراء المصريين اللي بيتحملوا سنوياً 18 مليار جنية من خدمة وفوايد الديون تزيد على دعم الصحة دعم الغذاء اللي يعني كان نظام مبارك بيذلنا بيه دعم الرغيف والغذاء وتزيد على النفاق على الصحه وتزيد على بنود كثيرة مما نحتاجه وخصوصاُ انه احنا نرى انه في ظل هذا النظام الفاسد ليس هناك ضمان لان هذه الديون اللي الان تراكمت علشان تبقى 35 مليار دولار يعني مايزيد عن 200 مليار جنية هذه الديون انفقت في صالحنا من يضمن ذلك بل انه قد تكون هذه الديون والقروض قد انفقت في تمويل القنابل المسيلة للدموع التي استخدمت في قمع الثوار وفي تمويل ادوات تعذيب اللي كان تموجوده في اقسام الشرطة وفي تمويل تدريب الضباط على قمعنا وعلى تعذيبنا على مدى هذه السنوات هذه الديون غير شرعية ديون في عرف القانون الدولي ديون كاهلة نحن نسير في هذه الحملة على خطى دول سبقتنا في بعض الناس بيتهموا الحملة انها حملة عاطفية دعائية يعني لا تقوم على واقع عملي ولا على امكانيات انها تتحقق بشكل عملي وده كلام يعني فارغ وبصراحة اللي بيقوله ماعندوش اطلاع على ما يحدث في الدنيا لانه فيه عدد من الدول على رأسها الاكوادور ودي دولة شهدت انتفاضة جماهيرية شبيهة بالانتفاضة اللي احنا شاهدناها قبل عدة سنوات وتأسست لجنة لمراجعة الديون وهذه اللجنة فرزت الديون الكريهة التي استخدمت في غير صالح الشعب واستطاعت بعد ذلك الضغط على الحكومة انها تسقط ترفض دفع هذه الديون وبالفعل تنجح في اسقاط ثلثي ديون الاكوادور اللي كان حوالي 15 مليار دولار فعندنا خطوات عملية الخطوات العملية بتبدأ بان احنا هنسعى بتأسيس لجنة مستقلة لمواجعة وتدقيق الديون الخارجية لمصر اللي تمت مراكمتها على مدى العقود الماضية وتفرز الديون الكريهه التي استخدمت في غير صالح الشعب المصري لانه ليس من العدل ولا الانصاف ولا من الحق ولا من القانون ولا من الشرعية انه يبقى بعد استخدامها في غير صالحنا او نهبها ان احنا نبقى مسؤولين عن سدادها لدائنين كانوا يعلمون جيداً تماماً طبيعة النظام اللي كانوا بيقرضوا بيه الحملة اللي احنا بنطلقها اليوم هي حملة مفتوحة لكل من يرغب في المساهمة الطوعية في اعمالها وهي يعني منقسمة لعدة مجموعات ولجان تمهيداً لتأسيس اللجنة المستقلة اللي المفروض تبقى لها صلاحيات قانونية علشان يبقى عندها معلومات عن كل القروض اللي اقترضتها مصر مجموعة للبحث المجموعة دي هتمهد لتأسيس هذه اللجنة تنظر في القروض في تركيبتها في اوجة الانفاق وتحصر الديون الفاسدة مجموعة اعلامية لان احنا يعني هدفنا مش ان احنا نعمل حملة للخبراء فقط خبراء شديد الاهمية طبعاً في ان هما يشاركوا بخبراتهم الفنية في العملية لكن الاهم من وجود الخبراء هو المساهمة الشعبية مساهمة الناس اصحاب المصلحة في انهم مش بس يعرفوا اللي حصل في الماضي لكن في المستقبل كمان انه الاقتراض في المستقبل يبقى تحت عين الشعب انه يبقى عارف بشكل واضح اوجه الانفاق دي ايه هل نحن فعلاً في حاجة للاقتراض ولا لا ويبقى له الحق في انه يقترض ويصوت ويعطي رأيه في القروض في المستقبل سواء كانت القروض دي خارجة او قروض داخلية هذا حقنا لاننا نحن في النهاية من يسدد هذه الاموال هذه الاموال ايضاً تحرمنا من فرص اخرى في التنمية وفي التعليم وفي الصحة وفي مجالات اخرى لنا الحق في ان نعطي رأينا وان نعلم التفاصيل الخاصة بهذه القروض التي كانت الانظمة السابقة تخفيها عنا وللاسف حكومة شرف حدت حدو هذه الانظمة فيما يتعلق بالقرض اللي كان هيتاخد من صندوق النقد وتعلن الشروط وكانت تحيط بصداد من السرية . المجموعة التالتة مرتبطة بهذا مجموعةللعمل الشعبي تربط كل المجموعات النقابات والجمعيات والاشخاص والمجموعات الحزبية التي ترغب في مساندة  ودعم هذه الحملة معاً وتنسق العمل بها وتوسع الدعاية للعمال والفلاحين والصيادين والموظفين وكل من هم اصحاب المصلحة في انجاز مهام هذه الحملة في لجنة اخرى للتدريب اللجنة دي هتبقى بتعمل على توعية الكوادر ونوعية الديون وتركيبتها الخ .. ولجنة اخيرة متعلقة بتنظيم الندوات والفعاليات وجمع التبرعات الخ .. في الخارج في استمارة لكل من يرغب في التطور يتحدد بالضبط اللجنة اللي عايز يشترك فيها ويعطي تفاصيل الاتصال بيه علشان يبقى بيلعب دور في المستقبل احنا بنعتمد على الناس في انه هذه الحملة تبقى حملة ناجحة الدكتور حازم الببلاوي وزير المالية عامل تصريحات في الجرايد بكره بيقول انه لو عزرائيل جالنا هيبقى بيشارك في الحملة دي وده معناه ان عمره ما ده هيحصل وان هذه الحملة تسيئ لسمعة مصر واحنا بنقول لا الحملة دي حملة حقيقية الحملة دي ممكن تبقى بتعمل ضغط حقيقي لنخليصنا  من ديون لم يكن لنا اي منفعه في اخذها الحملة دي لا تسئ لسمعة مصر على الاطلاق الحملة دي بتقول ان احنا احرار في حقوقنا واذا كان الثورة دي فعلاً انها تكون عملت حاجة احنا يجب ان نتخلص من هذا الخيال الضيق ونفرض ارادتنا الشعبية السياسية التي في الحقيقة طموحها لا يقف عند حد .. اشكركم وانا هبدأ باعطاء الكلمة للاستاذ كمال ابو عيطة المرتبط اللي ترك اجتماع الاتحاد المصري للنقابات المستقلة علشان يشارك معانا…

 

 

 

Advertisements

شكرا على تعليقاتكم

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s